´Basque. Zinema´ liburuaren edizio berria eskuragarri

Euskal zinemaren inguruko BASQUE. liburuxkaren edizio berria argitaratu du Etxepare Euskal Institutuak. Euskara eta euskal kulturari eskainitako hamabi liburuetako bat da, BASQUE. bildumaren baitan argitaratua. Deskargatu ezazu doan.

Joxean Fernandez Euskadiko Filmategiko zuzendariak idatzi du ‘BASQUE. Zinema’ liburua.

Zer aurkituko duzu bertan?

‘BASQUE, Zinema’ Euskal Herriko zinemaren historia aberatsa dokumentatzen duen lan sakona da, lurraldeko lehen zinematografoaren sorreratik hasita eta euskarazko zinemaren nazioarteko arrakasta garaikideraino. Liburuak mugarri garrantzitsuak aztertzen ditu, hala nola euskarazko lehen filma, ‘Gure Sor Lekua’, eta azken urteotako lorpenak, hala nola ‘Handia’ filmak 2018an eskuratutako hamar Goya sariak. Era erean, beste gai batzuk ere jorratzen dira, esaterako, babes publikoko politiken eragina euskal zinemagintzan, Donostiako Zinemaldia eta Euskadiko Filmategia bezalako erakunde garrantzitsuen eragina, eta euskal zinemak hainbat garai historikotan izan duen bilakaera. Lanak iraganeko lorpenak ez ezik, etorkizuneko erronkak eta aukerak ere aztertzen ditu, euskal zineak enbaxadore kultural ahaltsu gisa eta euskara babesteko eta sustatzeko tresna gisa duen zeregina azpimarratuz.

BASQUE. bilduma

Etxepare Euskal Institutuak sortutako bilduma honek hamabi kultura-adierazpide bildu ditu. Guztiak kate bakarraren katebegiak dira, hizkuntza berak, lurralde komunak eta denbora-mugarri berberek zeharkatzen dituztelako. Kulturaren eskutik, euskararen lurraldean tradizioa eta abangoardia nola uztartu diren jasoko duzu. Kulturaren leihotik, bertakoaren eta kanpokoaren topalekua erakutsiko dizugu. Kulturaren taupadatik, nondik gatozen, non gauden eta nora goazen jakiteko aukera izango duzu. Liburu sorta hau abiapuntu bat da, zugan jakin-mina eragin eta euskal kultura sakonago ezagutzeko gogoa piztea du helburu.