Onartutako hitzaldiak: Identitatea eta bestetasuna: euskal eta georgiar literaturaren ikuspegi konparatiboa

2022ko uztailaren 24tik 29ra International Literature Association (ICLA) elkartearen 23. kongresua hartuko du Tiblisiko Estatu Unibertsitateak (TSU).

TSUko Euskara eta Euskal Kultura Irakurletzak eta Etxepare Euskal Institutuak ‘Identitatea eta bestetasuna: euskal eta georgiar literaturaren ikuspegi konparatiboa’ panela antolatu dute kongresuaren baitan.

Proposamenak bidaltzeko epea urtarrilaren 13an bukatu zen eta orain, kongresuaren antolatzaileek, onartu diren hitzaldiak zeintzuk diren jakinarazi dute:

Identity and Otherness: A Comparative Overview of Basque and Georgian Literatures (Identitatea eta bestetasuna: euskal eta georgiar literaturaren ikuspegi konparatiboa)

Zuzendariak: Martin Artola (TSU University) & Garbiñe Iztueta (Euskal Herriko Unibertsitatea-Etxepare Euskal Institutua) 

Hizlari nagusiak: 

• Izaro Arroita Azkarate: ‘Conflicting memories and families in conflict: Identity and otherness in contemporary Basque literature’. Euskal Herriko Unibertsitatea
• Paulo Kortazar: ‘National identity in a global world; otherness in a country without a state. The case of Basque Contemporary Literature’. Euskal Herriko Unibertsitatea

 Onartutako hitzaldiak: 

• Aitzpea Leizaola: ‘Basques, Mi’kMaqs and Inuits: Transoceanic First Nations encounters in comic and graphic novels’. Euskal Herriko Unibetsitatea

• Monika Madinabeitia: ‘Frank Bergon´s Fiction: From Black To White’. Mondragon Unibertsitatea
• Eneko Bidegain: ‘Laxalt family’s Basque American correspondence after Sweet Promised Land’. Mondragon Unibertsitatea
• Kepa Matxain: ‘Transformation of Identity in the ‘Bertso-Event’: Three Experiences of Crisis’. Euskal Herriko Unibertsitatea
• Dato Turashvili: "If the sky in Basque Country looks like the sky in Georgia?". Writer and TSU University
• Marian Chkhartishvili: Process of National Identity Forging: We vs Others in Nineteenth Century Georgian Literary Fiction (specific title in progress) TSU University
• Zurab Targamadze: Process of National Identity Forging: We vs Others in Nineteenth Century Georgian Literary Fiction (specific title in progress) TSU University
• Sopio Kadagishvili: Process of National Identity Forging: We vs Others in Nineteenth Century Georgian Literary Fiction (specific title in progress) TSU University

Mariam Chkhartishvili, Zurab Targamadze, Sopio Kadagishvili : Process of National Identity Forging: We vs Others (According to Nineteenth Century Georgian Literary Fiction)

Identitatea eta alteritatea gizakiaren autoikuskera bultzatu duten kontzeptuak dira, Errenazimentutik gutxienez, eta, ondorioz, aldaketa sozial eta kulturalei ekarpena ere egin diete. Batez ere, aro postmodernoan hasita, nortasuna dinamikoa, aldakorra, likidoa, anitza, zatikatua (Berzonsky, 2005) da, besteekin eta boterearekin (Lyotard 1979) harremanean eta intersekzionalitateari  (Crenschaw 1991) lotuta.

Bi kontzeptuak, tradizio handikoak literatura konparatuan (Skulj 2000), garrantzi handikoak dira euskal literaturan eta georgiar literaturan. Nortasun nazionalak eta genero identitateak, adibidez, eta ondorioz, alteritateak, bilakaera handia izan dute euskal literatura garaikidean. Identitatea/alteritatea gaiarekin zerikusia duten gai nagusietako batzuk hauek dira: euskal identitate modernoaren eta postmodernoaren arteko kontrastea (Kortazar, 2007; Esparza, 2017), memoria kulturala euskal identitateari buruzko gogoeta kritikorako ekarpen nagusi gisa (Olaziregi, 2018, 2019, 2020), euskal gatazkaren ikuspegi literarioak (Ayerbe, 2019) eta euskal identitatearen irudikapena euskal Diasporan (Totoricagüena 2004). Gai horiek guztiek, gainera, identitatea eraikitzeko eta bestearekin birnegoziatzeko prozesua aztertzen laguntzen dute.

Georgiaren kasuan, independentzia eta gerra zibilaren ondoren, bere literaturak beste loraldi bat izan du. Literatura berri horretan, nortasun nazional georgiarraren birdefinizioa nabarmentzen da, eta hori ez dator guztiz bat korenizatsiaren ondarearekin. Georgia Europara eta Estatu Batuetara hurbiltzen ari da, Errusiatik urruntzen ari den erritmo berean, autopertzepzioei eta bestearen ideiari aurre eginez. Azkenik, Georgiak konpondu gabe dituen lurralde-gatazkak ere nabarmenak dira. Gatazken arrastoa, Euskal Herrian bezala, literaturan eta lantzen ari garen bi kontzeptuetan ere hauteman daiteke.

Euskal literaturan eta literatura georgiarrean identitatearekin eta alteritatearekin zerikusia duten gakoak eztabaidatu nahi dira panel honetan, haien arteko elkarrizketa sortzeko. Alde batetik, panel honen helburua identitatearen kontzeptualizazio literarioari eta, hala dagokionean, euskal identitatearen eta nortasun georgiarraren birnegoziazioari lotuta bi literaturetako mugarri garrantzitsuenak identifikatzea eta alderatzea izango da. Bestalde, euskal eta georgiar idazleek euskal eta georgiar identitatearekiko ikuspegi kritikoei egindako ekarpenak eztabaidatzea interesatzen zaigu. Gainera georgiar identitateak euskarara itzulitako literaturan izan duen irudikapena eta euskal identitateak georgierara itzulitako literaturan izan duena aztertzeak panel honen ikuspegia aberastuko du.

Panel honek Etxepare Euskal Institutuaren babesa du.