Miami Book Fair: Patxi Zubizarreta

Miami Dade College-ek antolatuta, Miami Book Fair (Miamiko Nazioarteko Libru Azoka) Estatu Batuetako literatura jaialdi nagusia da. Urtero, azaroan, zortzi egunez, ehunaka idazle eta milaka irakurle biltzen ditu Miamiko erdigunean.

Edizio honetan ere Etxepare Euskal Institutuaren laguntza izango du jaialdiak euskal egileei ahotsa emateko. Patxi Zubizarreta izango da aurtengo gonbidatua.

Patxi Zubizarreta (Ordizia, 1964) narratibaren figura garrantzitsua da Euskal Herrian. Haur eta gazte literatura idatzi izan du batik bat, baina, horrekin batera, helduentzat ere idatzi izan du. Hiru aldiz eskuratu du Haur eta Gazte Literaturaren Euskadi Saria. Eta 2023an, Espainaiko Haur eta Gazte Literaturako Saria eskuratu zuen ‘Zerria’ (Erein) lanagatik.

Azaroaren 23an bi ekitaldi hauetan hartuko du parte Zubizarretak:

Errealitate urbanoak, mikrokontakizunak eta testu hibridoak
(De realidades urbanas, microrrelatos y textos híbridos)
Patxi Zubizarreta eta Alejandro Robles, Rodolfo Martínez Sotomayorrekin solasean
17:30 | Miami Dade College, Wolfson Campus

Haur Literatura eta Irakurketa XI. Mintegia. Liburu ilustratuak: aurkitzeke dauden unibertsoak
(XI Seminario de Literatura Infantil y Lectura. Libros ilustrados: universos por descubrir)
Patxi Zubizarreta Sergio Andricaineki solasean
13:30 | Miami Dade College, Wolfson Campus 13:30
*Fundación Cuatrogatos-ekin lankidetzan