Liverpoolgo Unibertsitateko Euskal Ikasketen ikerketa bekan izena emateko epea luzatu dute

Etxepare Euskal Institutuak bertan duen Manuel Irujo Katedraren bitartez, Liverpoolgo Unibertsitateak Manuel Irujo Scholarship in Basque Studies izeneko beka eskaintzen du 2019az geroztik. 2020ko deialdia irekia dago jada, eta epea luzatu egin dute: abuztuaren 31n itxiko da.

Beka honek Unibertsitateko MRes in Modern Languages and Cultures izeneko ikerketa-masterraren urtebeteko balio ekonomikoaren % 100 estaltzeko laguntza eskaintzen du, soilik master horretan Basque Studies (Euskal Ikasketak) izeneko bidea hautatzen duten horientzat. Orain ireki duten deialdia, 2020ko irailean hasiko den masterrarentzako da.

Beka hau eskuratzeko, euskal hizkuntzari, ekoizpen kulturalari, historiari dota politikari buruzko ikerketa egiteko interesa duten ikasleen bila dabiltza; bereziki, Manuel Irujo politikariaren biografiarekin zerikusia duten memoria, erbestea, diaspora eta europar ikerketak biltzen dituzten proiektuak.

Deialdian parte hartzeko baldintzak eta informazio gehigarria, hemen.