Euskara eta euskal kultura irakasteko irakurle berriak hautatzeko hiru deialdi ireki dira  

Euskara eta euskal kultura irakasteko hiru irakurle berriren bila dabiltza nazioarteko bost unibertsitate. Italian, Txekiar Errepublikan eta Irlandan lan egiteko aukera izango dute hiru irakurle hautatuek: batak Università Ca’Foscari Venezia eta Boloniako Alma Mater Studiorum Unibertsitatean ; besteak Brnoko Masaryk University eta Pragako Univerzita Karlova-n emango ditu eskolak ; eta hirugarrenak,  University College Cork-en.

Deialdia Euskal Herriko Agintaritzaren Aldizkarian argitaratu da, eta martxoaren 26tik apirilaren 25era bitarte eman ahalko dute izena interesa dutenek Etxepare Euskal Institutuaren deialdietan. Hautatutakoek 2022-2023 ikasturtean ekingo diote lanari.

Hurrengoak dira argitaratutako deialdiak:

• Euskara eta euskal kulturako irakurlea hautatzeko deialdia: Ca´Foscari Venezia eta Alma Mater Studiorum Università di Bologna (2022)
• Euskara eta euskal kulturako irakurlea hautatzeko deialdia: Brnoko Masaryk University eta Pragako Univerzita Karlova (2022)
• Euskara eta euskal kulturako irakurlea hautatzeko deialdia: University College Cork (2022)