Deialdiak
Deialdiak
Atal honetan aurkituko dituzu Etxepare Euskal Institutuak antolatzen dituen deialdi guztiak, gaia eta egoeraren arabera sailkatuta.
Euskara. Kultura. Mundura.
Harpidetu gure alerta profesionalen zerbitzura eta jaso jakinarazpenak zure intereseko deialdiak irekitzen ditugunean.
Deialdiak
-
Mugikortasuna
Euskal sortzaileen mugikortasunerako dirulaguntzak funtsezko tresna dira atzerrian gure kultur eta sormen sektorearen posizionamendua indartu, bere presentzia eta ikusgarritasuna sendotu, eta nazioarteko kultur eragileekin saretze lana bultzatzeko.
-
Itzulpena
Euskal literatura-sorkuntza nazioartean zabaltzen laguntzeko zubi dira itzulpenak. Alde batetik, literatura-lanak eta laginak beste hizkuntzetara itzultzeko dirulaguntzak ematen ditugu. Bestetik, Etxepare – LABORAL Kutxa Itzulpen Sariaren bidez itzulpengintzaren balioa aitortzen dugu.
-
Unibertsitate Programa
Etxepare Euskal Institutuak euskara eta euskal kulturaren irakaskuntza sustatzen du nazioarteko unibertsitate eta goi mailako zentroetan. Urtero irakasleak hautatzeko deialdiak antolatzen ditugu, unibertsitateekin lankidetzan, euskal ikasketen irakaskuntzari jarraipena emateko.
-
Euskara Munduan
Euskara eremu akademikotik kanpo ere ikasteko aukerak sustatzea garrantzitsua da Etxepare Euskal Institutuarentzat. Horretarako, mundu osoko euskal etxeetan ematen diren euskara eskolak diruz laguntzen ditugu.
Adi!
-
2025-01-17 MMVV 2025n parte hartzeko deialdia ireki dute
Mercat de Música Viva de Vic azoka profesionalaren 37. edizioa irailaren 17tik 20ra egingo dute. Proposamen artistikoak aurkezteko deialdia irekita dago eta martxoaren 31an amaituko da. Antolakuntzak aukeratuko dituen proposamen artistikoen artean Euskal Herriko proposamenek ordezkaritza izaten dute BASQUE. MUSIC. plataformari esker.
-
2025-01-13 BIME Bogotá eta Musika Bulegoa Sariak 2025
BIME Bogotán parte hartzeko deialdia urtarrilaren 21era arte dago irekita. Eta Musiak Bulegoa Sarietara aurkezteko epea urtarrilaren 30ean amaitzen da.
-
2024-12-17 Edinburgoko Fringe jaialdian parte hartzeko deialdia zabalik
Etxepare Euskal Institutuarekin garatutako lankidetzari esker, Euskal Herriko dantza taldeen proposamenak ikusi nahi ditu Dance Base – National Centre For Dance-k, bi euskal konpainia bere Fringe-eko egitarauan sartzeko.