Artistas en Ruta: Mikel Azpiroz

Mikel Azpiroz sei urterekin hasi zen pianoa jotzen. Musika klasikoko kontserbatorioko ikasketek laster eraman zuten musika modernora. Industria-ingeniaritzan lizentziatu zen, baina musikarekiko zaletasunak bultzatuta, interprete, konpositore, soinu-ingeniari eta ekoizle gisa karrera bat egin zuen, bai bere proiektuetan (pianoa bakarrik eta Elkano Browning Cream), bai beste artista askorekin lankidetzan.

AIEnRUTa-Artistas zuzeneko musika sustatzeko eta talentu berriak publikoari hurbiltzeko programa bat da. Espainiako zuzeneko musika aretoetan emanaldi-zirkuitu bat osatuz betetzen du bere helburua. Etxepare Euskal Institutuak AIEnRUTa-Artistas programa babesten du, urtero egiten diren bi zirkuito deialdietan (urtarrila- ekaina eta iraila-abendua) euskal musikarien presentzia bermatzeko. 

Testuinguru horretan, honako kontzertu hauek emango ditu Mikel Azpiroz musikariak: 

• CLAVICÉMBALO, Lugo, 2025.01.10
• A Casa das Crechas, Santiago de Compostela, 2025.01.11
• Café Teatro Rayuela, Santa Cruz de Tenerife, 2025.01.31
• CC Valdebernardo,  Madrid (en colaboración con 21 Distritos), 2025.02.28
• Casino de Soria, Soria, 2025.04.04